BSE કોડ: 526773 સાથે BSE પર સ્મોલ કેપ લિસ્ટેડ કંપની, પ્રેશર સેન્સિટિવ સિસ્ટમ્સ ઇન્ડિયા લિમિટેડ, ટેક્નોલોજી ઇનોવેશન અને ડેવલપમેન્ટ બિઝનેસની સાથે-સાથે ભારતમાં તમામ કોર્પોરેટ માટે એક સર્વિસ તરીકે ડેટા એનાલિટિક્સ અને ઇન્ફર્મેશન સોફ્ટવેર સાથે સંકળાયેલી છે.
ઇઝરાયેલી ટેક્નોલોજી જાયન્ટ Insitu S2 Ltd માટે ડેટા વેરહાઉસ સુવિધા સ્થાપવા માટે આ કંપનીએ 3.8m USD એટલે કે લગભગ 32 કરોડની બિડ જીતી છે. કંપનીનો ઉદ્દેશ્ય ડેટા વેરહાઉસિંગ પ્રોડક્ટમાંથી જંગી આવક પેદા કરવાનો છે કારણ કે તેની પાસે વિશ્વભરમાંથી શ્રેષ્ઠ સંસાધનો છે.
14 એપ્રિલ, 2023 ના રોજ સ્ટોક એક્સચેન્જ ફાઇલિંગમાં, બોર્ડ ઓફ પ્રેશર સેન્સિટિવ સિસ્ટમ્સ ઈન્ડિયા લિમિટેડએ જણાવ્યું કે, “સેબી લિસ્ટિંગ ઓબ્લિગેશન્સ એન્ડ ડિસ્ક્લોઝર રિક્વાયરમેન્ટ્સ) રેગ્યુલેશન્સ, 2015 ના રેગ્યુલેશન 30ના સંદર્ભમાં, અમને એ જાહેરાત કરતાં આનંદ થાય છે કે અમારા દુબઈ સ્થિત સંપૂર્ણ માલિકીની પેટાકંપની, ગ્લોબલ માર્કેટ્સ ઇનસાઇટ્સ આઇટી સર્વિસિસ એલએલસીએ સફળતાપૂર્વક ભાગ લીધો અને ઇઝરાયેલમાં Insitu S2 Ltd માટે ડેટા વેરહાઉસ બનાવવાની બિડ જીતી લીધી છે.”
આ ડેટા વેરહાઉસ સુવિધા બનાવવાનો ઓર્ડર 3 મહિનામાં પૂર્ણ કરવાનો છે અને કંપની આ ઓર્ડર 15 જુલાઈ, 2023 સુધીમાં પૂર્ણ કરવાની પ્રક્રિયામાં છે.
પ્રેશર સેન્સિટિવ સિસ્ટમ્સ ઈન્ડિયા લિમિટેડના મેનેજિંગ ડિરેક્ટર ભાગ્યેશ મિસ્ત્રીએ જણાવ્યું કે, “અમારી કંપની માટે આ એક મહત્ત્વપૂર્ણ માઈલસ્ટોન છે. તેમણે ઉમેર્યું, “અમે ઇઝરાયેલની અગ્રણી ટેક્નોલોજી કંપની તરફથી આ ઓર્ડર પ્રાપ્ત કરીને રોમાંચિત છીએ. તે અમારા ઉત્પાદનોની ગુણવત્તા અને અમારા ગ્રાહકોના અમારા પરના વિશ્વાસનો પુરાવો છે. અને અમે યુરોપીયન અને મધ્ય પૂર્વ બજારોમાંથી ડેટા વેરહાઉસ કેટેગરીના થોડા વધુ ઓર્ડરની અપેક્ષા રાખી રહ્યા છીએ.”
તેના એમડી ભાગ્યેશ મિસ્ત્રી જણાવે છે કે, કંપનીએ નાણાકીય વર્ષ 23-24 માટે તેની દુબઈ સ્થિત પેટાકંપની એટલે કે ગ્લોબલ માર્કેટ્સ ઈન્સાઈટ્સ આઈટી સર્વિસીસ એલએલસી પાસેથી આશરે 180 કરોડ રૂપિયાની ટોપલાઈન (આવક) સુધી પહોંચવાનું લક્ષ્ય રાખ્યું છે.
તેમજ કંપની પાસે છેલ્લા ક્વાર્ટરમાં 7 મોટા ઓર્ડર હતા જે પૂરા થવા આવ્યા છે અને હવે આ લેટેસ્ટ ઓર્ડર કંપની માટે એક મોટો માઈલસ્ટોન ઉમેરી રહ્યો છે.
કંપની પહેલાથી જ IBM (ઓસ્ટ્રેલિયા), IBM (UK), લાડુ ગોપાલ વેન્ચર્સ (ભારત), વહાત અલ બુટેન (UAE), જોર્ડન ડેવલપમેન્ટ કાઉન્સિલ, સ્ટાર્ટઅપ નેશનલ સેન્ટ્રલ (ઇઝરાયેલ) વગેરે સાથે કામ કરવા માટે જાણીતી છે.
પરિણામે, કંપનીની ઓર્ડરબુક વધીને લગભગ 9.8m USD એટલે કે લગભગ 85 Cr INR સુધી પહોંચી ગઈ છે.
કંપની છેલ્લાં 36 વર્ષથી ટેકનિકલ સેવા ક્ષેત્રે કાર્યરત છે પરંતુ હવે સમગ્ર વિશ્વમાં બહુરાષ્ટ્રીય હાજરી ધરાવે છે અને કંપનીનું નેતૃત્વ કરતી નવી પેઢીએ 2023ની શરૂઆતથી પ્રશંસનીય કામગીરી દર્શાવી છે. આ સમય દરમિયાન, કંપનીએ તેના નવા ગ્રાહકો સાથે મજબૂત સંબંધો વિકસાવ્યા છે.
ગુણવત્તા, સમયસર ડિલિવરી અને ગ્રાહક સંતોષ પ્રત્યે સમર્પણને પરિણામે કંપની પસંદગીના સપ્લાયરોમાંની એક બની ગઈ છે. નવીનતા અને સ્થિરતા પ્રત્યેની તેની પ્રતિબદ્ધતાને કારણે કંપની તેના સેગમેન્ટમાં ટોચના પ્રદાતાઓમાંની એક તરીકે તેનું સ્થાન જાળવી રાખવામાં સક્ષમ છે.
પ્રેશર સેન્સિટિવ સિસ્ટમ્સ ઈન્ડિયા લિમિટેડનો શેર આજે બજારમાં ₹6.78ના વધારા સાથે ખૂલ્યો અને હાલમાં તે અગાઉના બંધ કરતાં 1.15% વધીને ₹6.86 પ્રતિ શેર પર ટ્રેડ થઈ રહ્યો છે.
